အောက်တိုဘာတမနက် ပြာလဲ့လဲ့သံဝေဂ



ပြူတင်းပေါက်ဖွင့်ဖို့တောင် ခွန်အားမရှိတဲ့ စိတ်နဲ့
နေ့အသစ်တခုကို ရင်ဆိုင်ဖို့ ပြင်ရတော့တယ်

မြင်နေကျ ချက်စ်နပ်ပင်ကြီးရဲ့ပင်ခြေကို မမြင်ရတာပဲကောင်းတယ်
တရွက်ချင်း ရှေ့ဆင့်နောက်ဆင့် သစ်ရွက်တွေကြွေကျနေမှာသိလျက်မို့
ကိုယ့်မှာ ကုလားထိုင်တလုံးပေါ် အခြောက်တိုက်ကြီး ထိုင်ရင်း သွေးပျက်နေရရဲ့

နေရောင်ခြည်ဟာ ဧည့်ကောင်းစောင်ကောင်းလို သိမ်သိမ်မွေ့မွေ့ကလေး
လေပြင်းကတော့ အလိုက်မသိတတ်တဲ့ အိမ်နီးချင်းလို ဝုန်းဒိုင်းကျဲချင်ချင်
ချမ်းခိုက်တုန်အောင် အေးတဲ့ အအေးဓါတ်က ဓါးနဲ့မိုးထားသလိုကြီးစိုးလို့

ကျွက်ကျွက်ဆူရေနွေးနဲ့ လောင်းဖျော်ထားတဲ့ င့ါ လက်ထဲက ကော်ဖီတခွက်ဟာ
ညှိုးချုန်းပူပန် ပျက်စီးနေတဲ့ ငါ့ အတွင်းစိတ်ကို ကုစား အားအင်တွေ ဖြည့်ပေးနိုင်ပါမတဲ့လား

သွားသူတွေက သွားနှင့်ပြီ
ငါ ဘယ်တော့ လိုက်သွားရမှာလဲ။ ။

ခင်အောင်အေး
၂၄၊ အောက်တိုဘာ၊ ၂၀၀၈ ချေလ်တန်ဂရို့ဗ် လန်ဒန် ဝရး၅၁ နာရီ
Read more


ကျန်ရစ်သူ ပင်လယ်


ပင်လယ်ကိုမြင်ရဖို့ပဲ
လိုင်းတွေထဲ အပြာရောင်တွေ ထုနဲ့ထည်နဲ့ တဖြည်းဖြည်း ပြန့်ကား
ဖျော့တော့သွား နိမ့်မြင့်လှုပ်ရှားပုံ လှိုင်းခေါင်းဖြူဖွေးပုံ ရိပ်ကနဲ တောင်ကွေ့လမ်း
ကလေးကနေ ကားခေါင်းအတည်မှာ ဘွားကနဲ ရင်ဆိုင်တွေ့လိုက်ရတယ်
အဲဒါကို မြင်ရဖို့ တစ်လျှောက်လုံး လာခဲ့ရတာ

ဒီလိုနဲ့ အသက်ရှင်ခဲ့တယ်
မွေးနေ့ရယ်လို့ ကိန်းဂဏန်းတွဲ တစ်ခုရှိမယ် ic ဒါမှမဟုတ် id ကိုင်ဆောင်ဖို့ အသုံးတည့်
ပြီး မပြီးဆုံးနိုင်အောင် ရင်ဆိုင်ရမှုများ challenge လို့ စကားလုံးသုံးနှုန်းတယ် come -
on ဆက်သွားရုံပဲ ပွတ်တိုက်မှု အစဉ်တန်းအရ ထုတ်လုပ်/ထွက်ရှိလာမှု ကုန်ပစ္စည်းနှယ် ဒါ
ပေမယ့် သွေးနဲ့ကိုယ်သားနဲ့ကိုယ်လို့ သူ့ကိုယ်ရေးရာဇဝင်မှာ လိပ်ပြာသန့်သန့်ရေးဖြည့်ထားမယ်

ပြန်လာဖို့ထွက်သွားသူတွေလည်းမဟုတ်တော့
မထွက်ခင်ကတည်းက ပြန်ချင်နေပြီးသား ရွှံ့တွေလို အရောအနှော ရွေးမရအောင်တူရ ငါကခါး
လည်း နောက်ထပ် အခါးများ ယာဉ်ရထားမှန်သမျှ အလိုတူအလိုပါ ရွေ့ကောင်းရွေ့နေမယ် ပို့ကောင်း
ပို့နေမယ် ဟိုဘက်စည်းနဲ့ ဒီဘက်စည်းကြားမှာ မမြင်ရတဲ့ magic rope ဘဝခြားနယ်နိမိတ်မျဉ်း အထူ
အပါး ဒီနားမှာလိုလို ဟိုနားမှာလေလား ပြန်လာတာလား ထွက်သွားတာလား ဟုတ်/မဟုတ်တော့..

၁၉၉၂မှာ
ပင်လယ်ရဲ့သမိုင်းကို စရေးကြတယ် ပထမ’ လို့စလိုက်တယ် နောက် ‘တောင်တန်းများ’ ဆီ ညွတ်လိုက်သေး
ပေမယ့် နောက်ဆုံးတော့ ‘ပင်လယ်ပဲ ဆလိုင်းရမ်လိန်မှုန်း (ပလိန်ဆိုတော့ ပင်လယ်ပေ့ါ) ဒီလိုလဲ ကာရန်သင့်
နေသေးကာ ဇေယျာလင်း၊အောင်ဝင်း၊ခင်အောင်အေး၊ကေမြိုးနဲ့စစ်တင်၊လှကို ဘဝထိုထိုများ မလွှဲမရှောင်သာ
ဖော်ပြရတဲ့ နာမ်များ(ကိုယ်ပိုင်နာမ်များ) မျှသာ

အဖေ့ရဲ.မိတ်ဆွေ
(ဆလိုင်းမန် ပြောသလို)
ခင်အောင်အေး ၊ ပင်လယ်မှာကျန်ရစ်သူကြီး
ဒါပဲ။   

ခင်အောင်အေး
၁၂၊ အောက်တိုဘာ၊ ၂၀၁၁ ချေလ်တန်ဂရို့ဗ်၊ လန်ဒန် ၂၃း၅၄ နာရီ

(ဒီနေ့ လန်ဒန်မြို့ အော့စ်ဖန် စာအုပ်တိုက်က ကြီးမှူးတဲ့ ကဗျာရွတ်ပွဲမှာ အမေရိကန်ကဗျာဆရာ
၂ ယောက် ဗြိတိန်ကဗျာဆရာ ၂ ယောက်နဲ့အတူ စိတ်လှုပ်ရှားစွာ ကဗျာရွတ်ပြီး ပြန်အလာမှာ
ချင်းအမျိုးသမီး ကဗျာဆရာမအိုင်းဒီးရဲ့ ဖေ့စ်ဘုတ် စာမျက်နှာပေါ်မှာ ကိုယ်တို့က ပလိန်လို့ခေါ်တဲ့
သူငယ်ချင်းရဲဘော် ချင်းအမျိုးသားခေါင်းဆောင် ဆလိုင်းရမ်လိန်မှုန်း ရဲ့သား ဆလိုင်းမန်ရဲ့ ကဗျာလေးကို
တွေ့ရာမှ မမြော်လင့်ပဲ ကဗျာသွေးကြွကာ ရေးမိသောကဗျာအားချစ်ခင်စိတ်ဖြင့် အမှတ်တရ
တုံ့ပြန်ဖော်ပြဖြစ်ပါသည်။
“တမလွန်ဘဝက သူငယ်ချင်း.. ကဗျာ ၂ ပုဒ်လုံးကို ကြားယောင်စေသော်ဝ်…


 ဆလိုင်းမန်ရဲ့ကဗျာ


Read more


ငါ နားထောင်နေတယ်

ငါ နားထောင်နေတယ်

ပြည်တွင်း ပြည်ပ သတင်းများ
ငါ နားထောင်နေတယ်

လေတဟူးဟူး တိုးသံများ
ငါ နားထောင်နေတယ်

ငါမတီးတတ် မဆိုတတ်တဲ့ သီချင်းဆန်းများ
ငါ နားထောင်နေတယ်

ဘဝတခုခုရဲ့
အဆီအငေါ်မတည့်တဲ့ ကြိတ်မြည်သံ တကျွီကျွီ
ငါ နားထောင်နေတယ်

ပင်လယ်ရဲ့ စုပ်ဝဲကြီးထဲ နှစ်ပလိုက်မယ်ဆိုတဲ့ ကြုံးဝါးသံ
ငါ နားထောင်နေတယ်

ငါ နားစိုက်ထောင်နေရင်း
ဘာသံမှ မကြားရတော့ဘူး
ဘာသံမှ မကြားရတော့ဘူး

ဘာသံမှ မကြားရတော့ဘူး
ဘာသံမှ မကြားရတော့ဘူး

ငါ ဆက်နားစွင့်နေမိတယ်။ ။

ခင်အောင်အေး
၁၀၊ အောက်တိုဘာ၊ ၂၀၁၁ ချေလ်တန်ဂရို့ဗ် လန်ဒန် ၁၃း၃၄ နာရီ
Read more

About Me

My photo
ကျွန်တော့် ဘဝထဲက အမှတ်တရတွေ သတိရ သလောက် မှတ်တမ်းတင်ရုံ သက်သက်ပါ...။

Enter your email address:

Delivered by FeedBurner

Myanmar Calendar

ဒီပုံလေးနှိပ် ပြီးဆက်သွယ်ပါ.

Followers

€€€€€€€€€€€€€€€€€€€€€€€€€€€€

ထွေရာလေးပါးပြောကြမယ်

Blog Archive

ကျွန်ုပ်၏ အသင်း

မြန်မာမန်ချက်စတာယူနိုက်တက်ဖန်မှကြိုဆိုပါ၏

My Blog List

မြန်မာငွေပေါက်ဈေး

အလည်လာတဲ့သူတွေ

€€€€€€€€€€€€€€€€€€€€€€€€€€€€

€€€€€€€€€€€€€€€€€€€€€€€€€€€€

Popular Posts