မြန်မာစကား မြန်မာနား

ကျွန်တော် ငယ်ငယ် က တွေ့ဖူးတဲ့အကြောင်းလေး တခုပါ....

ပုဂံ ရာဇဝင် ထဲမှာ ဈေးတန်း ထဲ က မိန်းမ သူ့စကော လေတိုက်လို့ လွင့်သွားတာကို နောက်ကနေ ပြေးလိုက်ရင်း ငါ့စကော ငါ့စကော လို့အော်ပြီးလိုက်လိုက်တာ ဘေးက လူက ကြားချင်တာ ကြားပြီး စက္ကောတပ် ကြီးချီလာလို့ဒီမိန်းမ ပြေးတာ ပဲ ငါလဲ ပြေးမှ ဆိုပြီး ပြေးရင်း နဲ့လမ်းမှာ စက္ကောတပ် ကြီး ချီလာ ပြီပြေးကြဟလို့ထပ်ဆင့် အော်သွား လိုက်တာ လူတွေ ဝရုန်းသုန်းကား နဲ့ထွက်ပြေးကြလို့့ပုဂံပြည် ကြီးပျက်ရ ပါသတဲ့.......။
ဒါဟာ ဖြစ်နိုင်တယ် ဆိုတာကို ကျွန်တော် ငယ်စဉ် က လက်တွေ့မြင်ဖူးပါတယ်........

ဘယ်မှာလဲ ဆိုတော့ ကျွန်တော် ကမာရွတ် စံရိပ်ငြိမ် မှာ နေထိုင် ခဲ့စဉ်ကပါ....အဲဒီနေ့ကလှိုင်မြို့နယ်ဘူတာရုံလမ်း မှာ မီးလောင် ပါတယ် မီးကလဲ တော်တော် ကြီး ညဖက် ကလဲ ဖြစ်ပြန် ဆိုတော့ ကျွန်တော် တို့ဆီက ကြည့်ရတာ အလွန် နီးကပ် နေ သယောင် ပါ.......။

ဒီအချိန် မှာ လူတွေ ကလဲ အထိတ်ထိတ် အလန့်လန့် နဲ့ပေါ့...ဘာလုပ် လို့ဘာကိုင် ရမှန်း မသိဖြစ်နေတုန်း လူတယောက် လမ်းထဲ က ဖြတ်ပြေး ရင်းနဲ့ အော်သွားတာက..."ကိုယ့်ပစ္စည်း တွေ မီးထဲ မပါချင်ရင်..သိမ်းကြ..ဆည်းကြ."လို့ဆို ပြီး အော်သွားပါတယ်.....

ဒါကို ကြားလိုက်တဲ့ လမ်းထဲ ကအဒေါ်ကြီး တယောက် ဟာ ဘာလုပ် သလဲဆိုတော့ ...
သူ့အိမ်က ပစ္စည်း တွေ သိမ်းရင်းနဲ့ သေချင်းဆိုးမီး..ကာလနာမီး..xxx...xxx...xxx အစရှိ သဖြင့်အတော်လေးစုံလင်စွာ ရေရွတ် ပါတော့တယ်.......၊ဒါနဲ့ပဲ နောက်တနာရီ နှစ်နာရီ ခန့်မှာ
မီးညွန့် ကျိုးပြီး လူတွေ လဲ အတော်လေးသက်တောင့်သက်သာ ဖြစ်သွား မှ အဒေါ် ကြီး ကို ဝိုင်းမေး ကြပါတယ်..ဒေါ်ကြီး ရပ်ကွက် ထဲနေတာ အတော် ကြာပြီ တခါ မှ ဆဲသံ ဆိုသံ မကြား ဖူးဘူး ဒီနေ့့ဘယ်လို ဖြစ်တာလဲ လို့ဆိုတော့......အဒေါ် ကြီးပြန်ရှင်းပြတာက."သိပါဘူးအေ ရယ် လမ်းထဲကို လူတယောက် ဖြတ်ပြေး ရင်း သိမ်းကြ..ဆဲကြ "ဆိုလို့ ကျုပ်လဲ ပစ္စည်းလေးတွေ မီးထဲပါမှာ စိုးလို့သူပြော သလို ပစ္စည်း သိမ်းရင်း ဆဲမိတာပါ......။

Thursday, April 3, 2008 // အမ်ိဳးအစားက: Comdey // 2 ေယာက္ကဒီလိုျမင္တယ္ //

2 ေယာက္ကဒီလိုျမင္တယ္ to "မြန်မာစကား မြန်မာနား"

April 3, 2008 at 1:13 PM
ညမီးအိမ် says:

ဟေးး လာပြီဗျာဦးဦးဖျားဖျား။ အစ်ကို အရေးအသားတွေတော်တော်ကောင်းနေတယ်နော်။ အစ်ကိုဆီကပညာတွေယူဦးမယ်။ ညတွေ့မယ်ဗျို့။
April 4, 2008 at 6:43 AM
Anonymous says:

မြန်မာ စကားက လှအောင်ပြော ကြတာ ကာရံတွေ နဲ့ပြောပေမယ့် စဉ်းစားကြည့်တော့ ရယ်ချင်စရာနော် သိမ်းကြ သိမ်းကြဆို ဖြစ်တာပဲ ဆဲကြဆိုတာ က ဆဲတာပဲ ပစ္စည်နဲ့ မဆိုင်ဘူးလေးနော့် ကျနော်တော့ ဖတ်ပြီးရယ်မိတယ် ကျေးဇူး သယ်ရင်းရေ့ ။