ဒီလိုလည်းရတယ် အစက ပြန်စရသလို အဲဒါလည်းရတယ် စာအုပ်လှန်ကြေး ပန်းပေးကြေး

သတင်းလာကာနီး တီးလုံး ကဗျာကို ဘဝအဖြစ် ၂ မောင်သာနိုး ၇၂ ဒါ့အပြင် လူ့လောကတွင်

ဒီနားလေးက လေနည်းနည်းရတယ် အသက်ရှူရတာ ပိုလို့ အားရတယ် တဏှာမျိုး ငါးပါးရှိကြောင်း

ကျနော့်မှာ ဆယ်ပေါင် လျော့နေတယ်ခင်ဗျ အမွေးမညှပ်ရသေးတဲ့ သိုးကောင်တွေ ချိုးဖြူငှက်တွေ

တကယ် ပျံသွားကြပြီလား မြေသင်းနံ့ ဖြူ-မည်း မြင်နေရာက အရောင်တွေ စိမ့်ဝင်လာကာ လက်ရှိ

မြောင်းထဲမှာပဲ သွားရှာ မင်းလည်းရတယ် ငါလည်းရတယ် ဒါနဲ့ ကြောင်ကိုဆွဲပေးမယ့်ခြူ ရပြီလား

ခြူသွားဆွဲမယ့် လူအမည်စာရင်း ရပြီလား ပေါလောပေါ်နိယာမ အရ ပေါလောမျောနေတဲ့ ငါ့အမည်

စာရေးဆရာကြီး မောင်ထင် ဆိုလျင် စောင်မာန်မပြင်း နုစေမင်း ထူးဆန်းသည်မှာ ဇာတ်ခုံကြီးမှာ

သြကာသ လောကကြီးမှာ အနောက်မှာ အရှေ့မှာ အာကာသထဲမှာ ဝင်ရိုးစွန်းမှာ café D မှာ

ငါးဘဲဖြူကလေးတွေ အိုးကပ်ချက်ထားတယ် ငရဲအိုးမှာ ဂျိုးကပ်မယ့်ကောင် အိုးထိန်းစက်ကဲ့သို့

ခြာခြာလည်၏ ရေမှာ အရုပ်ရေးမိသည် ဝေဒနာသရုပ်အဆွေးကိုတော့ သေအချာ အဟုတ်တွေး

မယ်လို့ အံမယ်မင်း…..မြင်းလောင်းမယ့်ကောင် သွား ငါ့အိမ်ပေါ်က ခုဆင်းသွား ဆင်သားချက်၍

အရပ်ဝေ မည့်သူ ဒါနဲ့ အရေးပေါ် ကက်ဘိနက် အစည်းအဝေး အမြန်ခေါ်ပြီး ကြိုးကြာငှက်၏ ဝမ်း

ဗိုက် ကိုခွဲကြည့်သောအခါ အစီအစဉ်တွေ အဆီအငေါ်တည့်နေကြရင် ညနေခင်းဟာ ခါတိုင်းထက်

ပိုလှတယ် တက်စီးလိုက်တာပဲ လေယာဉ်ပျံဆိုလား ထွက်လာတုန်းကနာရီကို တနာရီရှေ့တိုးလိုက်

မှ ဒေသစံတော်ချိန်ဆိုလား တိမ်တွေကြားထဲ တချက်နှစ်ချက် ဝုန်းဒိုင်းကျဲသွားသေးတယ် တခဲနက်

အပြာရောင်ဟာ ကောင်းကင်မှာကော ရေပြင်မှာရော ပင်လယ်လို့ ခေါ်ကြသတဲ့ သူ့အနားသတ်

နှုတ်ခမ်းတွေ လှုပ်တယ်ဆိုရုံလေး မိန့်ခွန်းတွေတော့ မေ့သလောက်ဖြစ်နေပါပြီ အတိအကျသိချင်

ရင် နားကြပ်နဲ့ အိုင်ပေါ့နဲ့ သရီးဂျီနဲ့ အီလက်ထရွန်းနစ် ဒီဗိုက်စ် တမျိုးမျိုး (အမည်မခေါ်တတ်)များ

မှာ အသင့်ရနိုင်ပြီတဲ့ ငါးဘဲဖြူ အိုးကပ် တော့ not available yet တဲ့ ။ ။



ခင်အောင်အေး

၂၆၊ ဧပြီ၊ ၂၀၁၀ စင်္ကာပူ စံတော်ချိန် ၁၆း၅၈ နာရီ