Firefox တွင် မိမိလိုချင်သော အဓိက search engine ထည့်နည်း

အင်တာနက်သုံးကြတဲ့ ကျွန်တော့် မိတ်ဆွေများ မိမိတို့ သုံးတဲ့ ဘရောက်ဇာ မှာဘယ် search engine ကို နှစ်သက် သဘောကျပြီး သုံးကျသလဲတော့ မသိဘူး ကျွန်တော်ကတော့ Google ကိုပဲ အဓိက သုံးပါတယ်..။

အဲ... မနေ့က yahoo toolbar ကို အပ်ဒိပ် လုပ်လိုက်တာ ကျွန်တော့ ဘရောက်ဇာက အဓိက google srarch engine ပျောက်သွားပြီး ရာဟူး search engine ကြီးဖြစ်သွားလို့ အတော်လေး စိတ်ဆင်းရဲသွားပါတယ် ဒါနဲ့ပဲ အင်တာနက်ထဲ ပြန်ရှာလိုက်တာ အခုတော့ ပြန်ပြီး google ပြန်ရသွားပါပြီ အဲဒီမှာ ကျွန်တော် စဉ်းစားမိတာက ကျွန်တော့်လိုပဲ ကိုယ်လိုချင်တဲ့ search engine ကို ကိုယ့်ရဲ့ ဖိုင်းယားဖောက်စ် ဘရောက်ဇာမှာ ထည့်ချင်တဲ့ သူများ အတွက် google ကို ဥပမာထားပြီး ဘယ်လို ထည့်ရမလဲ ဆိုတာ တင်ပြပေးဖို့ စိတ်ကူးပေါ်လာလို့ မသိသေးသူများ အတွက် တင်ပြလိုက်ပါတယ်..။

နံပါတ် (၁) အနေနဲ့ ဖိုင်းယားဖောက်စ်ရဲ့ လိပ်စာဘားမှာ about:config ဆိုပြီး ရိုက်ပြီး enter ခေါက်လိုက်ပါ..။
အဲဒီမှာ ဖိုင်းယားဖောက်စ် က သတိပေးစာ ပေါ်လာပါလိမ့်မယ် I promise ကို နှိပ်လိုက်ပါ..။

နံပါတ် (၂) အနေနဲ့ ပေါ်လာတဲ့ စာမျက်နှာရဲ့ အပေါ်ဆုံးမှာ Filter ဆိုတာ ရှိပါတယ် အဲဒီ ထဲကို keyword.URL ဆိုပြီး ရိုက်ထည့်လိုက် ရင် အဲဒီ keyword.URL ဆိုတဲ့ စာတမ်းဆီ တန်းရောက် သွားပါလိမ့်မယ်...

နံပါတ်(၃)အဲဒီ keyword.URL ကို right click နှိပ်လိုက်ပြီး Modify ကိုရွေးချယ်ပေးလိုက်ပါ.. ဒါဆိုရင် Box ကလေးတစ်ခုပေါ်လာပါလိမ့်မယ် အဲဒီ box ထဲက Url လိပ်စာနေရာမှာ ဟောဒီလိပ်စာလေး ကို http://www.google.com/search?hl=en&q= ထည့်ပေးလိုက် ရင် မိမိ တို့ရဲ့ ဘရောက်ဇာရဲ့ အဓိက search engine ဟာ google ဖြစ်သွားမှာ ဖြစ်ပါကြောင်း နဲ့ ကျန်တဲ့ Yahoo, အတွက် ဆိုရင်တော့ ဟောဒီလိပ်စာလေး http://search.yahoo.com/search?p= ကို ရိုက်ထည့်ပေး ရမှာဖြစ်ပြီး msm, အတွက် ဆိုရင်တော့ http://search.live.com/results.aspx?q= ကို ရိုက်ထည့် ပေးခြင်းဖြင့် အထက်ပါ နည်းအတိုင်း မိမိတို့ ဖိုင်းယားဖောက်စ် ဘရောက်ဇာ မှာ ထည့်နိုင်ပါကြောင်း ဝေမျှလိုက် ပါတယ်..။

Saturday, April 18, 2009 // အမ်ိဳးအစားက: Technic // 4 ေယာက္ကဒီလိုျမင္တယ္ //

ပျော့ကွက်

ဒီကဗျာကတော့ စာပေစီစစ်ရေးက နှစ်ကြိမ် အပယ်ခံခဲ့ရလို့ မဂ္ဂဇင်းမှာ မဖော်ပြနိုင်ခဲ့တဲ့ ကဗျာတစ်ပုဒ်ပါ အခုတော့ ကျွန်တော့်ညီဖြစ်သူရဲ့ ဘလော့ဂ်မှာပဲ ဖော်ပြလိုက်ပါတယ်...။

ပျော့ကွက်

မင်းတို့မေးရိုးတွေ အားလုံး ပြုတ်ထွက်သွားအောင်
ငါဆော်ထည့်နိုင်တယ်
ဒါနဲ့ပဲ
ဟောဟိုက ချောင်ကောင်းကောင်းမှာ
ကြမ်းပိုးရှာသလိုလို
သန်းရှာသလိုလို
ဖိုမကိစ္စနဲ့ပြီးရတာပဲ။

တစ်ညနောက်ကျပြီးမှ ညားခွင့်ရတဲ့ ကဗျာတစ်ပုဒ်ရယ်
လေးငါးနှစ်တာကာလဆီက စုပ်မြိုခဲ့သမျှရယ်
အခုမှ
အားလုံးဟာရှိလာခဲ့ပြီ
သီချင်းဆိုရဲတဲ့ပန်းပွင့်များ
အနားမယူတဲ့ သန်းခေါင်ယံခေါင်းလောင်းများ
အိပ်မက် မက်ရမှာ ကြောက်တဲ့ကျွဲရိုင်းများ။

တလွင့်လွင့် ခန်းဆီးစရဲ့ အပေါ်မှာတော့
ရာဇဝင်ဟာ ပိုးသားဇာ ယက်ဖောက်လို့
ငါတို့ရောက်ရှိရာ မှတ်တိုင်များနဲ့
ငါတို့ဆုပ်ကိုင်မိကြရာ ပြာမှုန်များရဲ့ရေးချယ်မှုမျှပဲ။

ခုလိုတော့လဲ
ငနဲက
ကိုယ်လိမ်းပေါင်ဒါ လူးရ
ဆပ်ပြာမွှေး သုံးရနဲ့။

ရှေ့တူရှုမှာ
တဝက်တပျက်သာ ပွင့်နေတဲ့ တံခါးချပ်တွေ အဆင့်ဆင့်
သခင့်အလိုကို အတိအကျ သိတတ်တဲ့ ခွေးတစ်ကောင်နဲ့
သံသရာဆုံးအောင် မှောင်နေတော့မလောက် အမိုက်တိုက်
အရက်ဖြူနည်းနည်းမြိုလိုက်ရတယ်။

နောက်ထပ်....
ပြီးတော့ နောက်ထပ်များ
ငါ့အကင်းပါးမှုက ငါ့ကိုပြန်ရောင်းစားခဲ့ရာ
ရွှေပိန်းချခြေရာတွေနဲ့
ပေါက်လွှတ်ပဲစား ဖန်ဆင်းလိုက်တဲ့ အနာဂါတ်တွေပဲအစားပြန်ရခဲ့ပေါ့။

ဟော.....
အခုမှ အိပ်ယာကနိုးလာသလိုမျိုး
မှိုချိုးမျှစ်ချိုးပြောတော့မယ့် ပါးစပ်ရယ်
သင့်ကို မြေကြီးထဲဆွဲနှစ်တော့မတတ်အကြည့်ရယ်
နောက်ပြီး
မီးစတဖက် ရေမှုတ်တဖက် လက်တစုံရယ်နဲ့ပါလား။

ငါတို့နှစ်ယောက်ကြားမှာ
ဘယ်တုန်းကမှ မလွဲမှားခဲ့ဖူးတဲ့ငွေတစ်ကျပ်
ခု.... မင်းလူသတ်ချင်နေပြီပေါ့လေ။

မနေ့တုန်းက ဘာနေ့ပါလိမ့်
အိမ့်ဆည်းလည်းသံ တချွင်ချွင်တတင်တင်
အပြင်ဘက်မှာမုသားနွံထဲကျွံနစ်ဆဲ
အဆိပ်ရည်ဖြစ်ဖြစ်
ဒေးလီးဗိုက်တာဖြစ်ဖြစ်
အိတ်ဇစ်စတင်ရှယ်လစ်ဇင်းပဲ ဖြစ်ဖြစ်ပေါ့။

အဲဒီလောက်ကြီး ကီးကိုက်နေမှတော့
ဘာသားနဲ့ထုထားတာမို့တောင့်ခံနိုင်မလဲ
သဲထဲရေသွန်မဖြစ်ခင် လက်ဖျစ်တတွက်
လူမှုရေးတွေ ကွပ်မျက်လိုက်ရတယ်.။

ဗြုန်းကနဲ
ရင်ကွဲနာကျသေချင်စရာကောင်းသွားတဲ့ညနေထဲမှာ
ဆည်းဆာကိုအငမ်းမရနမ်းစုပ်ရင်း
ဟောဒီနာကျင်မှုသီချင်းကို
ညည်းဆိုခဲ့မိတာပဲပေါ့..။ ။

ခင်အောင်အေး
၁၉၉၀