အခုပဲ အရိပ်တွေပြေးထွက်သွားကြတယ်
အခုပဲ အတိတ်ဟာ အရည်ပျစ်ပျစ်လိုလို ရှေးကလည်း သည်လိုဖြစ်ဖူးသည်
မယုံခြင်းနဲ့ ယုံလိုခြင်းများ အတိုက်အစား ကြမ်းတမ်းပက်စက်လွန်းတဲ့ လက်သီးတချက်
လိပ်ပြာနှုတ်သွားတယ် ဒီလိုပြောရင်လည်းရသပေါ့ ပေါ့ပေါ့နေပေါ့ပေါ့စားနေ့စွဲများ ထိုးသီ
ထားတဲ့ တံကျင် အနောက်စွန်းမှာ ယွန်းလုလု သူရိန်နေမင်းဆိုတာ အိုင်-ကဖေးဆိုင်ထဲ သတင်း
စာ တစ်စောင်နဲ့ ကော်ဖီကြမ်းတခွက်နဲ့ ရှင်းလို့မရတဲ့ ဝါကျတွေနဲ့ ဆေးလိပ်ပြာခွက်ထဲ ပြာ
အစား လိပ်ပြာအတောင်ကအရောင်မှုန်ကလေးတွေ မတ်က်စ် နဲ့မာ့က်စ်နဲ့ မက်က်စ် မကွဲပြားတော့
လျှာဟာ လိပ်နေတယ် ဘာသာစကားသင်တန်းကျောင်းမှာ ဖိုနက်တစ်က်စ် သင်နေတာ ဒီလို
ပဲလေ လူငယ်ဆိုတော့ ရှေ့တက်လမ်းတွေဘာတွေကြည့်ရတယ် ကောင်မလေးရှိတဲ့ လမ်းဘက်
တော့ ဒီနေ့မသွားဘူး သားသူငယ်ချင်းကောင်တွေဆို တယောက်တယောက်ကို စော် သုံး လေး
ပွေ စီလောက်တော့ အနည်းဆုံးပဲ သူ့တက်ကြွယုံကြည်နေပုံက ဘာမဆို ပြီးသွားမယ် ဆိုတဲ့ပုံ
မင်မိုရီစတစ်ကို ဘောင်းဘီအိတ်ထဲ ပြီးစလွယ်ထိုးထည့်ပြီးထွက်သွားတယ် လျှာဟာလိပ်နေတယ်
တခုခုပြောရမှာ ဝန်ချီစက်ကြီးနဲ့တက်ဖိထားသလိုပဲ ဆေးလိပ်ပြာ ချွေဖို့အခက်အခဲဖြစ်နေတယ်
ကော်ဖီပန်းကန်ပြားထဲမှာ အရိပ်တချို့နဲ့ ပြားပိနေတဲ့ ပျစ်ချွဲချွဲ အတိတ်များ။ ။

ခင်အောင်အေး
၂၇၊ မတ်၊ ၂၀၁၀ ဘန်ကောက်စံတော်ချိန် ၁၆း၅၀