နှစ်သစ်ကူးနည်း

၂၀၀၉ ခုနှစ် နှစ်သစ်ကြီးသို့ ရောက်တော့မည် ဒီတော့လဲ ဘာရယ် ညာရယ် မဟုတ် ဂျီတော့ ထဲက မက်ဆေ့ဂျ် မှာ ၂၀၀၉ ခုနှစ် နှစ်သစ်ကြီးမှာ ဘော်ဘော်တွေ အားလုံးပျော်ရွှင်ချမ်းမြေ့ကြပါစေ လို့ ဆုတောင်းစာလေး ရိုက်ပြီး တင်ထားလိုက်တယ် ခဏပါပဲ မကြာပါဘူး ညီငယ် တစ်ယောက်က အားကျ မခံ ၂၀၀၉ ခုနှစ် နှစ်သစ်ကြီးမှာ ဘော်ဘော် တွေအားလုံး နှစ်တောင့်ထိုး ဓါတ်မီးလို လင်းနိုင် ကြပါစေဆိုပြီး မက်ဆေ့ဂျ် ပြန်ရေးလာတယ် ဟက် ဟက်..။

ဒါနဲ့ပဲ နှစ်သစ်နဲ့ ဘော်ဘော်တွေ ဘော်ဘော်တွေ နဲ့ နှစ်သစ် လုံးလည်ချာလပတ်ရမ်း တဲ့ အတွေးတွေ နောက်မှာတော့ ကျွန်တော့ ဘော်ဘော် တစ်ယောက်ရဲ့ နှစ်သစ်ကူးနည်း လေး ကို သွားပြန်သတိရ သွားတယ်ဗျ..။

သူ့နှစ်သစ်ကူးနည်းက ဘလော့ဂ်ဂါ ကိုကို ညီညီ တွေ ကတော့ သဘောကျနိုင်လောက်ပေမယ့် ဘလော့ဂ်ဂါ မမ နဲ့ ညီမငယ် တွေကတော့ နှစ်သစ်ကူးည မှာ လူစုလူဝေး ရှိတဲ့ နေရာသွားရင် အတော်လေး သတိကြီးစွာနဲ့ လူကြောက်တဲ့ ရောဂါ စွဲကပ်သွားနိုင်လောက်တဲ့ နှစ်သစ်ကူးနည်းပါ.....။

ကဲ... အားလုံး စိတ်ဝင်စားသွား ကြပြီထင်ရဲ့ ဟဲ...ဟဲ

ဒီလိုဗျ............

ကြယ်ဇင်သော် တစ်ယောက် အထူးစိတ်လှုပ်ရှားနေမိတယ် ဘာကြောင့်လဲ ဆိုတော့ သူ စိတ်ကူးယဉ် ခဲ့ဖူးတဲ့ နှစ်သစ်ကူး ကိုဆင်နွဲနိုင်ဖို့ သူ့ကို လောကကြီး က အခွင့်အရေး ပေးလာလို့ပဲ...။

သူ လဲ လူငယ်ပီပီ နှစ်တစ်နှစ်ရဲ့ နောက်ဆုံး ရက်ဖြစ်တဲ့ ဒီဇင်ဘာ၃၁ ရက် ဆောင်းညတိုင်းလိုလို မှာ တစ်ညလုံး သူငယ်ချင်းတွေ နဲ့စုဝေးပြီး နှစ်ကူးခဲ့ဖူးပေါင်း များပါပြီ ဒါပေမယ့် သူ့ရဲ့စိတ်ကူးယဉ် နှစ်သစ်ကူးအိပ်မက် တစ်ခု ရှိတယ် အဲဒါ ကို နှစ်ပေါင်းများစွာ စောင့်ဆိုင်းလာခဲ့တာ ဒီတစ်ခါတော့ ပြည့်လုပြည့်ခင် လေးဖြစ်နေပြီလေ...။

သူ အခုရောက်ရှိနေတဲ့ နေရာက နယူးယောက်မြို့ရဲ့ မြို့လည်ခေါင်မှာ ရှိတဲ့ သဘာဝဥယျာဉ်ကြီး ထဲက နှစ်သစ်ကူး ပွဲကျင်းပမယ့် နေရာမှာပေါ့ အရင်နှစ်တွေက မြန်မာပြည် မှာနဲ့ သငေ်္ဘာပေါ် ရောက်နေစဉ်က သငေ်္ဘာပေါ်တွေ မှာသာ နှစ်ကူးပွဲတွေ ကျင်းပခဲ့ ရရာက ဒီနှစ်တော့ ကြုံတောင့် ကြုံခဲ နယူးယောက်မှာ သငေ်္ဘာကမ်းလာကပ်ပြီး ကမ်းဆင်းခွင့် ရခဲ့တာကြောင့် ဒီ ဥယျာဉ် ကြီးထဲမှာ သူ့အိပ်မက် ကို အကောင်အထည် ဖော်ဖို့ အဖော်တစ်သင်းနဲ့ ချီတက်လာခဲ့ခြင်း ဖြစ်ပါတယ်..။

သူတို့ ရောက်တော့ လူတွေကလဲ များမှများ နှစ်ကူးဖို့ အချိန်ကလဲ အတော်လေး နီးကပ်နေပါပြီ ဒါနဲ့ သူလဲ ကမန်းကတမ်း သူ့ရဲ့ ပစ်မှတ် ကို ရှာဖွေလိုက်တော့ မိန်းကလေး တစ်အုပ်စု ထဲက တော်တော်လေး ချောတဲ့ ကောင်မလေး တစ်ယောက်ကို သွားတွေ့ပါတယ်..။

သူလဲ အဲဒီအုပ်စု နား အသာကပ် သွားပြီး ကောင်မလေး ကို ပြုံးပြရင်းနဲ့ ဟယ်လို လို့နုတ်ဆက် လိုက်ပါတယ်..
ကောင်မလေးကလဲ ပြန်ပြုံးပြ ပြီး ဟယ်လို လို့ပြန်နုတ်ဆက် သဗျ..
ဒါနဲ့ ကြယ်ဇင်သော်လဲ ပီတိတွေ ဖြစ်ပြီး ပြုံးပြုံးကြီးနဲ့ ရှေ့ရေးကို တွေးပြီး ကျေနပ်စွာ မိန့်မိန့်ကြီး ပြုံးလို့ပေါ့..။

စတိတ်ရှိုးစင် ကြီးရဲ့ နဖူးစည်းပေါ် မှာ တင်ထားတဲ့ ဒစ်ဂျစ်တယ် နာရီကြီးကလဲ နှစ်ကူးမယ့် အချိန်ကို တဖြည်းဖြည်းချင်း ရေတွက်လို့ပေါ့ ကြယ်ဇင်သော်လဲ ကောင်မလေးနား နီးသထက် နီးအောင် တိုးတိုးပြီး ကပ်သွားလိုက်ပါတယ်..။

အဲဒီလို နဲ့ ဒစ်ဂျစ်တယ် ဂဏန်းတွေ 00:00 ဆိုပြီးတော့ ပြလိုက်တဲ့ အချိန်မှာပဲ လူတွေ အားလုံး ဟက်ပီနယူးရီးယား လို့အော်သူတွေကအော် မီးရှုးမီးပန်းတွေ ဖောက်တဲ့လူကဖောက် ချစ်သူတွေလဲ တစ်ဦးကို တစ်ဦး နှစ်သစ် အနမ်းလက်ဆောင် တွေ ပေးနေကြတဲ့ အချိန်မှာပဲ ကျွန်တော်တို့ ဇာတ်လိုက်ကျော် ကြယ်ဇင်သွေး ကလဲ သူ့ အိပ်မက် ထဲက နှစ်သစ်ကူး ကို လက်တွေ့ အကောင် အထည် ဖော်လိုက်ပါတယ်..။

အနားမှာ ကပ်နေပြီ ဖြစ်တဲ့ ကောင်မလေးကို ကြယ်ဇင်သော် တစ်ယောက် မိမိ ချစ်သူ ပမာ သဘောထား ပြီး ကောင်မလေး ရဲ့ နုတ်ခမ်း အစုံကို မိမိ ရရကြီးကို နမ်းစုတ် လိုက်ပါတယ်..။

ကောင်မလေး လဲ အံသြတစ်ကြီးနဲ့ အကြောင်သား ငေးကြည့်လို့ ရုန်းထွက်ဖို့ သတိမရ ဖြစ်သွားဟန်တူရဲ့
ကြယ်ဇင်သော်နဲ့ လိုက်လာတဲ့ တစ်အုပ်စုလုံးလဲ အားလုံး မျက်လုံး အပြူးသား ငေးကြည့်လို့....
အဲဒီ ထဲမှာ ဘာမှ မဖြစ်သလို နဲ့ ခပ်တည်တည် သူမဟုတ်သလို ပြန်ပြီး စတိတ်ရှိုးကို စိတ်ဝင်စားသလို ပြန်ကြည့်နေတာကတော့ ကြယ်ဇင်သော်ပါ...။

ဒါပေမယ့် ဘာမှမဖြစ်သလိုနေလို့ ကတော့ မရတော့ပါ..

ကောင်မလေး ကအခုမှ သတိပြန်ဝင်လာပြီး ဘလာ .. ဘလာ... တွေ လာတော့တာပေါ့..
ကောင်မလေး သူငယ်ချင်းတွေလဲ ဝင်ပါလာပြီ ဘေးပါတ်ဝန်းကျင်တွေကလဲ စူးစမ်းတဲ့ မျက်ဝန်းအကြည့်တွေနဲ့ ဝိုင်းကြည့်လို့ပေါ့...။

ခဏနေတော့ ပွဲလုံခြုံရေး တွေ ရောက်လာပြီး ကောင်မလေး တွေပြောတာတွေ နားထောင်ပြီး ကြယ်ဇင်သော် ကို ပွဲလုံခြုံရေး စခန်းကို ဆွဲခေါ် သွားပါတော့တယ်...

လုံခြုံရေး စခန်း ကိုသွားရာလမ်းတစ်လျှောက် မှာ ကြယ်ဇင်သော် ဒီလို စိတ်ကူးယဉ်နှစ်သစ်ကူး မိအောင် လှုံ့ဆော် ခဲ့တဲ့ သူတို့လမ်းထဲက နိုင်ငံခြားပြန် အောင်ဝေဖြိုး ရဲ့ စကားသံ တွေကိုသာ ကြယ်ဇင်သော့် နားထဲ ကြားယောင်မိနေလေရဲ့...။

"ဟေ့ ကြယ်ဇင်သော် ရေ မင်းလေ နိုင်ငံခြားများ ရောက်လို့ နှစ်သစ်ကူးပွဲ နဲ့များတိုးရင်လေ မင်းတော့ ပွပြီလို့သာ အောက်မေ့လိုက် ကိုယ့်လူရေ"..။

"ငါရောက်ခဲ့တုန်းကလေ နှစ်သစ်ကူးပွဲနဲ့ တော့ကြုံပါရဲ့ ကံများ မကောင်းချင်တော့ နှစ်ကူးခါနီး အပေါ့သွားချင်တာနဲ့ ခဏလေး သန့်စင်ခန်း ဝင်လိုက်တာ ပြန်ထွက်လာတော့ နှစ်သစ်ကူး နေပြီကွ အဲဒီမှာကွာ ငါလဲ အတော်လေး ရင်ထုမနာ ဖြစ်သွားရတယ် ကိုယ့်လူရေ ..
ကောင်လေး တွေကကွာ ဘေးမှာ ရှိတဲ့ ကောင်မလေး တွေကိုလေ နုတ်ခမ်းချင်း တေ့ပြီး နမ်းလိုက်တာများ အကုန်လုံး လိုလိုပါပဲကွာ ငါတော့ ဘေးမှာ ဘယ်သူမှ မရှိလို့ မနမ်းလိုက် ရဘူးကွ ..

ဒီတော့ နိုင်ငံခြားများ ရောက်လို့ နှစ်သစ်ကူး နဲ့ကြုံရင် ငါ့လို အခွင့်အရေး လက်မလွတ်စေနဲ့"...............။

ဆိုတဲ့ စကားများကို နားထဲ ကြားယောင် ရင်း ကြယ်ဇင်သော် တစ်ယောက် !!!!!

ကဲ ဘလော့ဂ်ဂါ ကိုကို ညီညီ တို့ ကြယ်ဇင်သော့် လိုတော့ ယောင်ပြီး အဲလို နှစ်သစ်ကူးမယ် မကြံကြနဲ့နော် ဟဲ ဟဲ ဘလော့ဂ်ဂါ မမ ညီမ တို့လဲ နှစ်သစ်ကူး ပွဲသွားရင် ကိုယ့်နား တစ်စိမ်း ကပ်လာရင် ကြယ်ဇင်သော့်လို နှစ်ကူးမယ့် လူဖြစ်နေအုံးမယ် သတိထားကြ ဟက် ဟက်...။

အားလုံးသော လာရောက်လည်ပတ်သူ အပေါင်း ၂၀၀၉ ခုနှစ် နှစ်သစ်ကြီးမှာ စိတ်၏ ချမ်းသာခြင်း ကိုယ်၏ ကျန်းမာခြင်းများ နဲ့ပြည့်ဝ ကြပါစေလို့ ဆုတောင်း မေတ္တာပို့သအပ်ပါတယ် ဗျာ..။

Be a Fan

Wednesday, December 31, 2008 // အမ်ိဳးအစားက: Comdey // 6 ေယာက္ကဒီလိုျမင္တယ္ //

ဒါေလးေတြလဲ ရွိေသးတယ္

6 ေယာက္ကဒီလိုျမင္တယ္ to "နှစ်သစ်ကူးနည်း"

• 

  December 31, 2008 at 12:51 AM
  အောင်သာငယ် says:

  အဲတာ နင် မဟုတ်လား... ငါသိတယ်... မလိမ်နဲ့... း)

• 

  December 31, 2008 at 12:59 AM
  BLACK DREAM says:

  အစ်ကို့ ပို့စ်ကို ဖတ်ပြီး ပျော်ရမလို လွမ်းရမလိုကြီးဖြစ်သွားတယ် အဟင့် အဟု ဖု ဂလု အဟီး...( ဘာဖြစ်သွားမှန်းမသိပါ) :P

• 

  January 1, 2009 at 8:31 AM
  ဖုန်း မြင်. says:

  ကြယ်ဇင်သော်လိုပဲ နှစ်သစ်ကုူးတော့မယ်...။
  အဲ...ကိုလင်းထက်လို ဘလော့ဂါ အထီးတွေမပါဘူးနော် .......

• 

  January 2, 2009 at 9:20 PM
  Anonymous says:

  ကိုယ့်ရာ အချွန်နဲ့မနေပြီဗျာ။
  ပျော်ရွှင်ဖွယ်ကောင်းသော နှစ်ဖြစ်ပါစေဗျာ

• 

  January 8, 2009 at 8:02 PM
  ညမီးအိမ် says:

  နှစ်သစ်ကူးနည်းကိုအခုမှဖတ်ဖြစ်တယ် :D ကြယ်ဇင်သွေးအကြောင်းလား? ကြယ်ဇင်သော်လား? အစ်ကို့အကြောင်းလား? အစ်ကို့အကြောင်းပဲဖြစ်မှာပါ ဟုတ်တယ်မလား :P

• 

  January 11, 2009 at 9:13 AM
  Anonymous says:

  ဟိုက်... ပြောတော့ ကြယ်ဇင်သော်ဆို (ကျွန်တော်တို့ ဇာတ်လိုက်ကျော် ကြယ်ဇင်သွေး ကလဲ ) အဲဒါ ဘယ်လိုဖြစ်တာတုန်း အဟင့်... သူ့နာမည် မတက်ရဲတိုင်း သူများကိုဆွဲထည့်တယ် ဟွန့် လူဆိုးးး သွား ချစ်တော့ဖူး :(