မှောင်ရာမှ ဖွဖွကလေးလင်းလာ
လူလုပ်အလင်းရောင်များ ဖျော့ကျလာ
နေရောင်ဟာ တိမ်ကန့်လန့်ကာကြားမှ ဖိတိုးထွက်ပြူလာ
(ညက ရွာထားတဲ့မိုးအရှိန်နဲ့) မြူလိုလိုထဲ
ဖားအော်သံ ကွက်ကွက် ကွက်ကွက်
သရကာငှက်သံ ကြားဖြတ် ညံ့သက်
ကော်ဖီခွက်လက်ကျန်ကို အပြီးသတ်မော့ချလိုက်ကာ
ဇီးကွက် ညည့်ငှက် ကဗျာဆရာ
အိပ်တန်းတက်ပါတော့မယ် တစ်ခေါက်ပြန်ဖတ်တယ်
စာလုံး အပူးအကပ်ကလေးတွေပြင်တယ် ခုမှ
ကော်ဖီလက်ကျန်ကို တကယ်မော့လိုက်တယ်
ဝရံတာက လှမ်းမြင်နေရတဲ့ တိုက်တန်းတွေမှာ
မီးရောင်တွေ မှိန်ကျလာတာနဲ့အမျှ အလင်းဟာ
ပိုမိုကျယ်ပြန့်စိမ့်ဝင်လာတယ် စောစောက နာရီနဲ့
ချီပြီးဖတ်ခဲ့သမျှ စိတ်တွေ ဘောင်ဘင်ခတ်ခဲ့သမျှ
တပေါက်ပေါက်ကျနေတဲ့ ရေသံနဲ့ အလှစိုက်ဝါးပင်ကို
ငေးစိုက်ရင်း စိတ်အပန်းခဏဖြေရတယ် ဖန်စပ်နေတဲ့
မျက်လုံးကို မျက်တောင်တဖျပ်ဖျပ် ခတ်ပေးရတယ်
ညီးစီခြင်းဟာ တဘဝလုံးအပေါ် ပိကျနေသလိုလိုပဲ
မျက်စေ့ရှေ့တည့်တည့်က ကွန်ပြူတာမျက်နှာပြင်ကို
ကျော်ကာ ဆက်တီစားပွဲရဲ့ ဟိုဖက် ဝရံတာလက်ရမ်း
နားကပ်ချထားတဲ့ ပန်းအိုးတွေ နောက် မြက်ခင်းပြင်
သူ့နောက် တောအုပ်အုပ်ကလေး ပြီးတော့ကွန်ဒို
တိုက်တန်းတွေကိုဆီးမြင်ရ သူ့နောက်မှာ
ကျယ်ပြန့်သောမိုးကောင်းကင်….
တမင်တကာထပ်ဖြည့်သောမှတ်ချက်။ ။(၁၉၇၇ ခန့်က ကျောင်းသားဘဝ
ပထမဦးဆုံး ရေးဖြစ်သော ဝတ္တုတို ခေါင်းစဉ်ကို ပြန်လည်ယူငင်သုံးစွဲပါသည်၊
ဝတ္တုမှာ ဘယ်သောအခါကမှ ပုံနှိပ်ထုတ်ဝေခြင်းမရှိခဲ့သည့်အပြင်လက်ခံကော်ပီ
လဲ မရှိတော့ပါ၊ နှလုံးသားထဲမှာသာ ပုံရိပ်အဖြစ်စွဲကျန်ရစ်ခဲ့..)
ခင်အောင်အေး
၁၇၊ နိုဝင်ဘာ၊၂၀၁၀ စင်္ကာပူ ဝရး၁၄ နာရီ
0 ေယာက္ကဒီလိုျမင္တယ္ to "ကျယ်ပြန့်သော မိုးကောင်းကင်"
About Me
- လင်းထက်
- ကျွန်တော့် ဘဝထဲက အမှတ်တရတွေ သတိရ သလောက် မှတ်တမ်းတင်ရုံ သက်သက်ပါ...။
ဒီပုံလေးနှိပ် ပြီးဆက်သွယ်ပါ.
ကျွန်ုပ်၏ အသင်း
မြန်မာငွေပေါက်ဈေး
Myanmar Kyat Exchange Rate€€€€€€€€€€€€€€€€€€€€€€€€€€€€
Post a Comment
အေပၚမွာ ေရးထားတာ နဲ႕ ပါတ္သက္လို႕ သင္ဘယ္လို ျမင္ပါသလဲ ေမးခ်င္တာ ေျပာခ်င္တာ တစ္ခုခုမ်ား ရွိခဲ့ရင္ ဒီေနရာမွာ ေျပာထားခဲ့ နိုင္ပါတယ္..။