ရုဒက်ရှိုင် ၃

မြစ်နဲ့စင်ယော်အုပ်တစ်အုပ်ကို တွဲတွေ့ရတဲ့အခါ
စိတ်ထဲဘာမှ မဆန်းသလိုတော့ ထင်မိသေးတယ်
တဖက်ကမ်း တောင်ကုန်းတစ်လျှောက် မြင်နေကျ
ပုံစံ မဟုတ်တဲ့ အိမ်ကလေးတွေ ပြွတ်သိပ်နေပုံနဲ့
တောင်ကုန်းထိပ်ပေါ် ခရစ်ယန် ဘုရားရှိခိုးကျောင်း
တစ်ခုက ဥရောပတစ်နေရာမှာ ရောက်နေတာလို့
သတိဝင်စေလိုက်တဲ့အခါ ရိုင်းမြစ်ရဲ့ရေစီးနေပုံဟာ
ညင်သာတိုးညှင်းတဲ့ ဂီတနောက်ခံနဲ့ သူ့သမိုင်းကို
လှမ်းပြောပြနေတယ်လို့ ခံစားရစေတယ် နေရောင်
ဟာ တမင်ညီအောင်ညှိပြီး အတန်းလိုက်စိုက်ထားတဲ့
မာပယ်လ်ပင်တွေကြား ပြောက်ကျား ထိုးချလိုက်တယ်
အသားဖြူနီစပ် ကလေးတစ်သိုက် ဗရုတ်ကျနေတဲ့နား
က ဖြတ်လျှောက်သွားတော့ သူတို့ချင်း တစ်ခုခုပြော
လိုက်ပုံဟာ ကိုယ်နဲ့တနည်းတဖုံ ပတ်သက်နေမလား
လို့ စိတ်ထဲထင်မိလို့မှ မဆုံးသေးဘူး အဲဒီ ဆယ်နှစ်
သားသာသာ ကလေး သုံးလေးယောက် ကိုယ့်နောက်
က လိုက်လာတာ သိလိုက်လို့ ပြန်လှည့်ကြည့်တော့
လန့်ပြီး သူတို့ ခြေလှမ်းနည်းနည်းဆုတ်သွားကြတယ်
ပြီးတော့ ဂျာမာန်လို စကား တစ်ခွန်း၊ နှစ်ခွန်း လှမ်းပြော
တယ် ရန်လိုချင်တဲ့ အရိပ်အငွေ့တချို့ယှက်သန်းနေတာ
သတိထားမိလို့ မျက်နှာကို အချိုသာဆုံး ပြုံးရင်း ဟိုင်း’
လို့ ကမ္ဘာသုံး နှုတ်ဆက်သံပြုကြည့်တော့ တစ်ယောက်
က ‘ဟယ်လိုလို့ပြန်နှုတ်ဆက်တယ် စင်ယော်တွေရဲ့
အော်မြည်နေတဲ့အသံတွေက ရေထဲက ဘဲငန်းအုပ်နဲ့
အစာလုရင်း ဟစ်ကြွေးသံတွေပေ့ါ မသိမသာ လှုပ်ရှား
လန့်ထိတ်သွားတဲ့ စိတ်ကို ငြိမ်အောင်ထိန်းရင်း သူတို့
နဲ့လွှဲရှောင်သွားမယ့် ပန်းခြံဖြတ်လမ်းဖက်ကို ချိုးချလိုက်
တယ် သူတို့ချင်း တွန်းထိုးနောက်ပြောင် ကျန်ရစ်ခဲ့ကြ
ကလေး တွန်းလှည်းကလေးနဲ့ အမျိုးသမီးကို ပြုံးပြပြီး
ရထားသံလမ်း အောက်က လှိုဏ်ကလေးသဖွယ် လူ
သွားလမ်းကလေးက ဖြတ်ထွက်လိုက်တော့ Netto
Mart ကို ပေါက်တဲ့ ကားပါ့ကင်ကွင်းကလေးကို လှမ်း
မြင်လိုက်ရ စိတ်ထဲအေးသွားပြီး ကားရှင်းအောင်စောင့်
ကာ လမ်းကူးလာခဲ့ စင်ယော်တွေ ဘာလို့ ဒီလောက်
ယောက်ယက်ခတ်နေသလဲ လို့ မဆီမဆိုင် တွေးမိပြီး
သံပုရာသီးလှလှတစ်လုံး၊ ၀က်ဘေကွန်အထုပ်သေး
တစ်ထုပ်နဲ့ ငရုပ်သီးစိမ်းနည်းနည်းဝယ်ပြီး အိမ်ဖက်
ကို ပြန်လာတော့ အအေးဓါတ်က သိသိသာသာလွှမ်း
ခြုံစပြုလာပြီ ဝေါကနဲ ဖြတ်သွားတဲ့ ရထားတန်းရှည်ကြီး
လွန်သွားတော့ ညာဖက်လမ်းကြားကလေးထဲ ချိုးကွေ့
ဝင်ရောက်ကာ လှပတဲ့ ရောင်စုံတောက်  ညနေခင်းကို
မထားရက် ထားရက်နဲ့ ချစ်ထားရစ်ခဲ့ရတော့တယ်။   

ခင်အောင်အေး
၂၅၊ သြဂတ်စ်၊ ၂၀၁၂ ရုဒက်ရှိုင်၊ ဂျာမဏီ ၂၁း၂၆ နာရီ


0 ယောက်ကဒီလိုမြင်တယ် to "ရုဒက်ရှိုင် ၃"

Post a Comment

အပေါ်မှာ ရေးထားတာ နဲ့ ပါတ်သက်လို့ သင်ဘယ်လို မြင်ပါသလဲ မေးချင်တာ ပြောချင်တာ တစ်ခုခုများ ရှိခဲ့ရင် ဒီနေရာမှာ ပြောထားခဲ့ နိုင်ပါတယ်..။

About Me

My photo
ကျွန်တော့် ဘဝထဲက အမှတ်တရတွေ သတိရ သလောက် မှတ်တမ်းတင်ရုံ သက်သက်ပါ...။

Enter your email address:

Delivered by FeedBurner

Myanmar Calendar

ဒီပုံလေးနှိပ် ပြီးဆက်သွယ်ပါ.

Followers

€€€€€€€€€€€€€€€€€€€€€€€€€€€€

ထွေရာလေးပါးပြောကြမယ်


Blog Archive

ကျွန်ုပ်၏ အသင်း

မြန်မာမန်ချက်စတာယူနိုက်တက်ဖန်မှကြိုဆိုပါ၏

My Blog List

မြန်မာငွေပေါက်ဈေး

အလည်လာတဲ့သူတွေ

€€€€€€€€€€€€€€€€€€€€€€€€€€€€

€€€€€€€€€€€€€€€€€€€€€€€€€€€€

Recent Posts

Popular Posts