ငါနဲ့ ဒီပရက်ရှင်ဆိုတဲ့ ငနဲနဲ့


ငါ ဘာလို့စိတ်ကျရမှာလဲ
ငါ အချိန်မရွေး တီဗီ ခလုတ်ကိုဖွင့်လိုက်လို့ရတယ်
ငါ အချိန်မရွေး ကြက်ဥ တစ်လုံးလုံးကို ကောက်ကြော်လိုက်လို့ရတယ်
ငါ အချိန်မရွေး စာအုပ်တစ်အုပ်အုပ် ဆွဲယူ ဖတ်ရှုနေလို့ရတယ်
ငါ အချိန်မရွေး ကွာတားပင် ကောက်စွတ် ၇ ဘတ်ဖိုး ကားပတ်စီးနေလို့ရတယ်
ငါ အချိန်မရွေး မြစ်ကို ဖြတ်ပြီး ဖယ်ရီသင်္ဘောစီးလို့ရတယ်
ငါ အချိန်မရွေး ရေခဲသေတ္တာဖွင့်ပြီး တစ်ခုခု ပါးစပ်ထဲ ပစ်ထည့်လို့ရတယ်
ငါ အချိန်မရွေး အင်တာနက်ဖွင့်ပြီး ငါ့ကိုဖော်ရွေချင်စိတ်မရှိတဲ့သူတစ်ယောက်ယောက်ကို ဟိုင်း လို့
                                                                                           စာရိုက်ထည့်လို့ရတယ်
ငါ အချိန်မရွေး မျိုးချစ်စိတ်ရှိကြောင်း ဗလောင်းဗလဲ ပြောလို့ရတယ်
ငါ အချိန်မရွေး ရေထ ချိုးချင် ချိုးလို့ရတယ်
ငါ အချိန်မရွေး သိချင်ရာရာကို ဆာ့ခ်ျအင်ဂျင်ထဲ ရိုက်ထည့်ပြီးရှာဖွေမွှေနှောက်လို့ရတယ်
ငါ အချိန်မရွေး လိင်ပိုင်းဆိုင်ရာ အလိုဆန္ဒတွေ ပိုက်ဆံအထိုက်အလျောက်သုံးပြီး ဖြေရှင်းလို့ရတယ်
ငါ အချိန်မရွေး ငါ မနှစ်လိုတဲ့ကိစ္စတွေကို ငါ ငြင်းပယ် နေလို့ရတယ်
ငါ အချိန်မရွေး စပါးကြီးမြွေလို တခုခု မြိုထားပြီး အကြာကြီးငြိမ်နေလို့ရတယ်
ငါ အချိန်မရွေး အရှေ့အနောက်တောင်မြောက် ကီလိုမီတာ ထောင်သောင်းခရီးဆန့်လို့ရတယ်
ငါ အချိန်မရွေး အနုပညာကိစ္စ တခုမဟုတ် တခုခုနဲ့ ပါတ်သက်ယှက်နွှယ်နေလို့ရတယ်
ငါ အချိန်မရွေး အစိုးရမကောင်းကြောင်း(ပြောချင်ရင်)ပြောလို့ရတယ်
ငါ အချိန်မရွေး အခင်းကြီး အခင်းလေး သွားလို့ရတယ်
ငါ အချိန်မရွေး ဓမ္မဒိဌာန်မေးခွန်းတွေ အပျင်းပြေ ဖြေနေလို့ရတယ်
ငါ အချိန်မရွေး ရာသီဥတုကို တုံ့ပြန် ချိန်ညှိနေလို့ရတယ်
ငါ အချိန်မရွေး အနည်းဆုံး တယောက်မဟုတ်တယောက်ကို အရေးပေါ်အခြေအနေ ကြေညာလို့ရတယ်
ငါ အချိန်မရွေး အရှုံးကို နှစ်နှစ်ကာကာ ပွေ့ဖက်လိုက်လို့ ရတယ်
ငါ အချိန်မရွေး အားလျားမှောက်လိုက် ပက်လက်လှန်လိုက် ဘေးတစ်စောင်းလျောင်းလိုက် နေလို့ရတယ်
ငါ အချိန်မရွေး လုပ်လို့ရတာတွေ အများကြီးပဲ ခန္ဓာကိုယ်ပေါ်က အမွှေးအမျှင်တွေထက်တောင် များသေးရဲ့

ဒါပေမယ့်..
ငါ အချိန်မရွေး ငါတကယ်လုပ်ချင်ဖြစ်ချင်တာကို လုပ်လို့ (ဖြစ်လို့) မရဘူး
ဒါပေမယ့်..
ငါ ဘာလို့ စိတ်ကျ ရမှာလဲ..
ငါ လုပ်နိုင်တာတွေ ဒီကမ္ဘာကြီးပေါ်မှာ တပုံတပင်ကြီး(အထက်က စာရင်းရှု)

ငါ စိတ်မကျကြောင်း
အချိန်မရွေး စိတ်မကျကြောင်း
အချိန်မရွေး စိတ်မကျအောင် အချိန်မရွေး ငါ့ကိုယ်ငါ တည်ဆောက်ပုံအကြောင်း
ငါ အချိန်မရွေး….
အချိန်မရွေး ငါ….။ ။

ခင်အောင်အေး
၁၀၊ ဒီဇင်ဘာ၊ ၂၀၁၀ ဘန်ကောက် ၁၄း၂၁ နာရီ


0 ယောက်ကဒီလိုမြင်တယ် to "ငါနဲ့ ဒီပရက်ရှင်ဆိုတဲ့ ငနဲနဲ့"

Post a Comment

အပေါ်မှာ ရေးထားတာ နဲ့ ပါတ်သက်လို့ သင်ဘယ်လို မြင်ပါသလဲ မေးချင်တာ ပြောချင်တာ တစ်ခုခုများ ရှိခဲ့ရင် ဒီနေရာမှာ ပြောထားခဲ့ နိုင်ပါတယ်..။

About Me

My photo
ကျွန်တော့် ဘဝထဲက အမှတ်တရတွေ သတိရ သလောက် မှတ်တမ်းတင်ရုံ သက်သက်ပါ...။

Enter your email address:

Delivered by FeedBurner

Myanmar Calendar

ဒီပုံလေးနှိပ် ပြီးဆက်သွယ်ပါ.

Followers

€€€€€€€€€€€€€€€€€€€€€€€€€€€€

ထွေရာလေးပါးပြောကြမယ်


Blog Archive

ကျွန်ုပ်၏ အသင်း

မြန်မာမန်ချက်စတာယူနိုက်တက်ဖန်မှကြိုဆိုပါ၏

My Blog List

မြန်မာငွေပေါက်ဈေး

အလည်လာတဲ့သူတွေ

€€€€€€€€€€€€€€€€€€€€€€€€€€€€

€€€€€€€€€€€€€€€€€€€€€€€€€€€€

Recent Posts

Popular Posts